08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
Սևանի ոստիկաններն ապօրինի թմրաշրջանառության դեպքեր են բացահայտել․ ՏԵՍԱՆՅՈւԹ
Հասարակություն
21.03.2022 | 21:59
Մարտի 12-ին և 13-ին ոստիկանության Սևանի բաժնի ծառայողներն ապօրինի թմրանյութ պահելու և օգտագործելու երկու դեպք բացահայտեցին, հայտնում են ՀՀ ոստիկանությունից։
Առաջին բացահայտումը մարտի 12-ին էր՝ ժամը 13-ի սահմաններում։ Քրեական հետախույզները Սևան քաղաքի Նաիրյան փողոցից բաժին բերման ենթարկեցին Սևանի 20-ամյա մի բնակչի, որի խուզարկությամբ մարիխուանայի նմանվող զանգված հայտնաբերվեց:
Հաջորդ բացահայտումը գիշերային շրջայցի ժամանակ էր՝ մարտի լույս 13-ի գիշերը։ Այս դեպքում ևս Նաիրյան փողոցից բաժին բերման ենթարկվեց Երևանի 42-ամյա մի բնակիչ: Նրա խուզարկությամբ ևս մարիխուանայի նմանվող զանգված հայտնաբերվեց՝ 4 գրամից ավելի: 42-ամյա տղամարդու հայտնածով՝ մարիխուանան իրենն է:
Նշանակվել են փորձաքննություններ: Հանգամանքները պարզվում են։
