21.08.2026 | 15:19
«Մարտին սթար»-ի վանիլային պաղպաղակի արտադրության կասեցումը վերացվել է
Ռուսաստանում Իրանի դեսպանը հայտնել է ԵՏՄ-ի հետ Ազատ առևտրի գոտու մասին համաձայնագրի կնքման ժամկետները
Քաղաքականություն
21.03.2022 | 22:22
Եվրասիական տնտեսական միության (ԵՏՄ) և Իրանի միջև ազատ առևտրի գոտու մասին լիարժեք համաձայնություն կարող է ձեռք բերվել արդեն հաջորդ տարի, սակայն բանակցողների հանդիպումների միջև ընդմիջումներից կախված՝ կարող են ճշգրտումներ մտցվել դրա ձեռքբերման ժամկետներում։ Այս մասին ՏԱՍՍ-ին տված հարցազրույցում հայտարարել է Մոսկվայում Իրանի դեսպան Քազեմ Ջալալին։
«Հարցերի տեխնիկական կողմերը կարող են լուծվել կարճ ժամանակում, իհարկե, պայմանավորվող կողմերի միջև ընդմիջումը կարող է հստակեցնել բանակցությունների ժամկետը։ Սա կարող է ազդել բանակցությունների ընդհանուր տևողության վրա, ուստի, եթե բանակցող կողմերը շարունակեն կանոնավոր հանդիպումները, մենք հույս ունենք լավ արդյունքների հասնել հաջորդ տարի»,- ասել է նա։
Իրանի դիվանագիտական առաքելության ղեկավարը նշել է, որ Ազատ առևտրի գոտու մասին համաձայնագրով նախատեսված ապրանքների ցանկի շուրջ բանակցություններն արդեն սկսվել են, և «համաձայնագրերն ավարտին հասցնելու համար բանակցությունների ևս մի քանի փուլ է անհրաժեշտ»։
«Վերջին 6 ամիսների ընթացքում բազմաթիվ առցանց հանդիպումներ են անցկացվել Իրանի և Եվրասիական տնտեսական միության միջև Ազատ առևտրի համաձայնագրի կնքման շուրջ բանակցությունների շրջանակում՝ կապված Իրանի և ԵՏՄ-ի միջև համաձայնագրի տեքստի գլուխների հետ, իսկ նոյեմբերին 2-3-ին Երևանում տեղի են ունեցել դեմ առ դեմ բանակցություններ մեր երկրի և ԵՏՄ ու Եվրասիական տնտեսական հանձնաժողովի անդամ հինգ երկրների բանակցային թիմերի միջև»,- հիշեցրել է Ջալալին։
Դեսպանը նաև նշել է, որ Իրանի և ԵՏՄ-ի միջև Ազատ առևտրի գոտու ստեղծման մասին ժամանակավոր համաձայնագիրը կյանքի է կոչվել 2019 թվականի նոյեմբերին, և Իրանի նախագահ Իբրահիմ Ռաիսիի՝ հունվարին Մոսկվա կատարած այցը նպատակ ուներ արագացնել դրա վերածումը լիարժեք, նախադեպային համաձայնագրի։
Տաթև Ֆռանգյան
