29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
«Վրացական երազանքի» կառավարությանը 1,5 ամիս է մնացել․ Սաակաշվիլի
Քաղաքականություն
21.03.2022 | 17:44
Վրաստանի նախկին նախագահ Միխեիլ Սաակաշվիլիի կարծիքով՝ իշխող «Վրացական երազանքի» կառավարությանը կարճ ժամանակ է մնացել։ Նախկին նախագահն իր կանխատեսումները հայտնել է դատարանի դահլիճում, որտեղ ընթանում է նրա գործով նիստը, գրում է Գրուզիա օնլայնը։
Սաակաշվիլին նշել է, որ գարնանը կլրանա իշխանության ղեկին գտնվող կուսակցության ժամանակը, որից հետո Վրաստանում պետք է ձևավորվի ազգային համաձայնության կառավարություն։
«Ուկրաինան հաղթում է, իսկ ձեր ժամանակը սպառվում է։ Ես ոչինչ մոռանալու մտադրություն չունեմ։ Ես էլ ոչ մեկին չեմ սպառնում, ուղղակի բոլորը պետք է մտածեն դրա մասին։ Ես կարծում եմ, որ եթե մենք ակտիվ լինենք, ապա այս իշխանությանն առավելագույնը մեկուկես ամիս է մնացել։ Այս գարնանն այս կառավարությունը մոռացության է մատնվելու։ Դրանից հետո պետք է ձևավորվի ազգային համաձայնության կառավարություն, որում կընդգրկվեն «Վրացական երազանքի» որոշ ներկայացուցիչներ։ Դրանից հետո պետք է անցկացվեն ազատ ընտրություններ, քանի որ մեր պարտքն է Ռուսաստանի փլուզման պահը դիմավորել կայացած և պատրաստված»,- ասել է Սաակաշվիլին։
Տաթև Ֆռանգյան
