17.06.2026 | 19:14
Մոսկվայում ու հարակից շրջաններում արգելվել են թեթև ինքնաթիռների և քաղաքացիական ԱԹՍ-ների թռիչքները
Ավտովթար Ոսկեվազ գյուղում. փրկարարներն օգնել են արգելափակված քաղաքացուն
20.03.2022 | 10:49
Մարտի 19-ին, ժամը 21:34-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Ոսկեվազ-Ագարակ ավտոճանապարհին տեղի է ունեցել ՃՏՊ. կա արգելափակված քաղաքացի:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ոսկեվազ գյուղում՝ «Հայասի Գրուպ»-ի գինու և կոնյակի գործարանի մոտակայքում, «Opel Zafira» (վարորդ` Գ. Պ.) մակնիշի ավտոմեքենան դուրս է եկել ճանապարհի երթևեկելի հատվածից և կողաշրջվել։
Մինչ փրկարարների կանչի վայր հասնելը, վարորդը տեղի ուժերով ավտոմեքենայից դուրս է բերվել. վերջինս հրաժարվել է բուժօգնությունից։
Փրկարարները հոսանքազրկել են ավտոմեքենան, փակել գազի բալոնի փականը, սահմանազատել տարածքը, այնուհետև ուղղել են ավտոմեքենան։
