28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Ֆրանսիան պնդում է, որ արևմտյան պատժամիջոցները սկսում են «իրական ազդեցություն» ունենալ Ռուսաստանի վրա
Քաղաքականություն
18.03.2022 | 18:36
Արևմտյան պատժամիջոցները սկսել են «իրական ազդեցություն» ունենալ Ռուսաստանի վրա։ Այս մասին BFMTV-ի հետ հարցազրույցում ասել է Ֆրանսիայի կառավարության խոսնակ Գաբրիել Աթալը, գրում է CNN-ը։
«Սա է մեր գործողությունների իմաստը, բոլոր այն միջոցները, որոնք մենք ձեռնարկում ենք, ուղղված են նրան, որ այս պատերազմն այնքան թանկ արժենա ՌԴ նախագահ Վլադիմիր Պուտինի համար, որ, ի վերջո, նա ստիպված լինի հրաժարվել դրանից»,-ասել է Աթալը՝պաշտպանելով Ֆրանսիայի և Արևմուտքի որոշումը․ զենք և օգնություն ուղարկել Ուկրաինա՝ ուղղակիորեն չներգրավվելով պատերազմի մեջ։
Նրա դիտարկմամբ, որպես ազդեցության վկայություն, պետք է դիտարկել արժեզրկվող ռուբլին, Մոսկվայի ֆոնդային բորսայի փակ մնալը մոտ երեք շաբաթ և Ռուսաստանի երկրորդ խոշոր նավթային ընկերության՝ «LukOil»-ի կոչը Պուտինին՝ դադարեցնել հակամարտությունը:
«Մենք առավելագույնս թանկացնում ենք պատերազմի գինը Վլադիմիր Պուտինի համար՝ հուսալով, որ ինչ-որ պահի պատժամիջոցներն այնպիսի ազդեցություն կունենան, որ նա ստիպված կլինի վերանայել իր ծրագրերը։ Եվ մինչ այդ մենք հնարավորություն կտանք ուկրաինացիներին դիմանալ՝ անհրաժեշտ աջակցություն ցուցաբերելով նրանց»,-ասել է ֆրանսիայի կառավարության խոսնակը։
Էմմա Չոբանյան
