15.01.2025 | 22:49
Կստեղծվի ոստիկանության բարեփոխումները համակարգող նոր խորհուրդ․ վարչապետը համակարգող խորհրդի նախագահն է
Ջո Բայդեն-Սի Ցզինպին զրույցից առաջ Չինաստանի ԱԳՆ խոսնակն ասել է՝ Պեկինը հարգում է երկրների ինքնիշխանությունն ու տարածքային ամբողջականությունը
Քաղաքականություն
18.03.2022 | 15:51
Պեկինը հարգում է բոլոր երկրների ինքնիշխանությունն ու տարածքային ամբողջականությունը։ Այս մասին հայտարարել է Չինաստանի ԱԳՆ խոսնակ Չժաո Լիջյանը, գրում է CNN-ը։
«Չինաստանը միշտ հանդես է գալիս բոլոր երկրների ինքնիշխանությունն ու տարածքային ամբողջականությունը հարգելու, ՄԱԿ-ի կանոնադրության նպատակներին և սկզբունքներին հետևելու օգտին՝ կարևորելով բոլոր երկրների անվտանգային մտահոգությունները, աջակցելով բոլոր ջանքերին՝ ուղղված ճգնաժամերի խաղաղ լուծմանը, նպաստում է խաղաղ բանակցություններին ու հումանիտար իրավիճակի մեղմմանը։ Չինաստանի դիրքորոշումն արդար է, օբյեկտիվ և անվիճելի»,- ասել է ԱԳՆ խոսնակը։
ԱՄՆ-ն էլ հայտարարել է, որ Չինաստանը տնտեսական գին կվճարի, եթե Ռուսաստանին նրա աջակցությունն անցնի հռետորաբանությունից։
Հավելենք, որ այսօր նախատեսված է ԱՄՆ նախագահ Ջո Բայդենի և Չինաստանի նախագահ Սի Ցզինպինի հեռախոսազրույցը։
Էմմա Չոբանյան
