23.04.2026 | 23:22
Վթար Ագարակ բնակավայրի մոտակայքում. կա զոհ
Բուլղարիայի նախկին վարչապետը ձերբակալվել է՝ ԵՄ-ի միջոցների ենթադրյալ չարաշահման համար
Քաղաքականություն
18.03.2022 | 19:39
Բուլղարիայի նախկին վարչապետ Բոյկո Բորիսովը ձերբակալվել է Եվրոպական հանրային դատախազության (EPPO) հետաքննությունից հետո։ Բուլղարիայի ՆԳՆ-ն հայտնել է, որ նա ձերբակալվել է 24 ժամով։
Պաշտոնյաները Euronews-ին հայտնել են, որ հետաքննությունը ղեկավարում է EPPO-ն, գործը կապված է ԵՄ-ի միջոցների ենթադրյալ չարաշահման հետ:
«Բուլղարիայում Եվրոպական դատախազության 120 գործի առնչությամբ իրավապահների լայնածավալ գործողություն է իրականացվում»,- ասվում է Բուլղարիայի ՆԳՆ մամուլի հաղորդագրությունում։
Բորիսովը՝ GERB քաղաքական կուսակցության առաջնորդը և մինչ 2021 թվականը Բուլղարիայի վարչապետը, ձերբակալվել է հինգշաբթի ուշ երեկոյան Սոֆիայում։ Ձերբակալվել են նաև նրա խորհրդական Սևդալինա Արնաուդովան, ֆինանսների նախկին նախարար Վլադիսլավ Գորանովը և խորհրդարանի բյուջետային հանձնաժողովի նախկին նախագահ Մենդա Ստոյանովան։
Նախկին վարչապետի փաստաբան Մենկո Մենկովի խոսքով՝ Բորիսովը բերման է ենթարկվել Բանկյա թաղամասի իր տնից և այժմ գտնվում է ոստիկանությունում։ Մենկովն ասել է, որ Բորիսովը չգիտի, թե ինչու են իրեն ձերբակալել։
Տաթև Ֆռանգյան
