19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
Անկարան պետք է Կիևին մատակարարի իր ռուսական C-400-ները՝ փոխարենն ԱՄՆ-ից ստանալով F-35-եր․ The Wall Street Journal
Քաղաքականություն
18.03.2022 | 16:11
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Թուրքիան պետք է Ուկրաինային մատակարարի ռուսական արտադրության C-400 ՀՕՊ համակարգերը և դրանց փոխարեն ԱՄՆ-ից F-35 կործանիչներ ստանա։ Այս մասին The Wall Street Journal-ում գրել է Հարվարդի Քենեդու անվան դպրոցի Բելֆեր գիտության և միջազգային հարաբերությունների կենտրոնի հետախուզության նախագծի տնօրեն Փոլ Քոլբը:
ԿՀՎ նախկին բարձրաստիճան սպան ասել է, որ «եռակի խաղը» կուժեղացնի Ուկրաինայի ջանքերը՝ իր երկնքի նկատմամբ վերահսկողությունը պահպանելու համար, քանի որ նա ձգտում է հետ մղել ռուսական ներխուժումը, միևնույն ժամանակ, օգնելով վերականգնել Թուրքիայի և Միացյալ Նահանգների միջև խզված հարաբերությունները:
ԱՄՆ-ն Թուրքիային հեռացրել է հաջորդ սերնդի F-35 կործանիչների ծրագրից այն բանից հետո, երբ Անկարան 2019 թվականին Ռուսաստանից գնեց C-400 «ցամաք-օդ» հրթիռային համակարգը: Թուրքական պաշտպանական գնումների պետական ընկերության նկատմամբ գործարքի համար պատժամիջոցներ սահմանվեցին։
Թուրքիայի համար С-400-ների հետ կապված խնդրի լուծումը վճռորոշ է համարվում Միացյալ Նահանգների հետ հարաբերությունները վերականգնելու համար, որոնք տարբեր պատճառներով վերջին տարիներին բավական լարված են։
Քոլբը գրում է, որ ուկրաինական ճգնաժամը հնարավորություն է Թուրքիայի համար՝ իր С-400-ներն օգտագործել ԱՄՆ շահերի տեսանկյունից։ Նա նշում է, որ Պենտագոնն արդեն քննարկում է ՆԱՏՕ-ի մյուս երկրների, այդ թվում՝ Բուլղարիայի, Հունաստանի և Սլովակիայի հետ՝ Ուկրաինային C-300-ներ տրամադրելու առաջարկը։
Լեհաստանի ծրագիրը՝ Ուկրաինային խորհրդային արտադրության ՄիԳ կործանիչներ տրամադրել՝ ԱՄՆ-ից F-35 ստանալու դիմաց, ձախողվեց հնարավոր հետևանքների հետ կապված Վաշինգտոնի մտահոգությունների պատճառով։ Սակայն, ըստ Քոլբի, Թուրքիայի սպառազինությունում առկա C-400-ներն ավելի պակաս հակասական տարբերակ են։
«Նախ՝ պարոն Պուտինը, զենքերը Թուրքիային մատակարարելով, հազիվ թե կարողանա բողոքել, եթե Անկարան դրանք ուղարկի իր ընկերոջն ու հարևանին՝ պաշտպանվելու ագրեսիայից։ Ռուսական C-400-ների օգտագործումը, որոնք վաճառվել են Թուրքիային՝ նպատակ ունենալով մասնատել ՆԱՏՕ-ն, դրանով ուկրաինական քաղաքները ռմբակոծող ռուսական ինքնաթիռների խոցումը կլինի պոետիկ արդարություն»,- հավելել է Քոլբը։
Էմմա Չոբանյան
