21.08.2026 | 15:19
«Մարտին սթար»-ի վանիլային պաղպաղակի արտադրության կասեցումը վերացվել է
Ուկրաինայի ժողովուրդը և Զելենսկին՝ Խաղաղության Նոբելյան մրցանակի հավակնորդներ
Քաղաքականություն
18.03.2022 | 13:59
Ուկրաինայի ժողովուրդը և նախագահ Վլադիմիր Զելենսկին կդառնան Խաղաղության Նոբելյան մրցանակի հավակնորդներ։ Այս մասին ասվում է մրցանակաբաշխության կոմիտեի կայքում տեղադրված հաղորդագրությունում, գրում է zn.ua-ը։
Նման նախաձեռնությամբ հանդես են եկել եվրոպացի նախկին և ներկա քաղաքական գործիչները։ Ըստ նրանց՝ աշխարհն ականատես է եղել ռուսական բանակին դիմակայելիս ուկրաինացի ժողովրդի խիզախությանը։
Քաղաքական գործիչները հայտարարել են Խաղաղության Նոբելյան մրցանակի թեկնածուների առաջադրման ժամկետը մինչև այս տարվա մարտի 31-ը երկարաձգելու անհրաժեշտության մասին՝ «պատմական և աննախադեպ իրադարձությունների լույսի ներքո»։
«Միլիոնավոր ընտանիքներ ապրում են վախի մեջ, նրանց տներին սպառնում են ռմբակոծությունները և զավթիչ բանակը: Մենք վկա ենք Ուկրաինայի ժողովրդի խիզախությանը, որը դեմ է Ռուսաստանի Դաշնության հետ պատերազմին: Ժամանակն է ցույց տալու Ուկրաինայի ժողովրդին, որ աշխարհն իրենց կողքին է»,- ասել են նախաձեռնության կազմակերպիչները։
Տաթև Ֆռանգյան
