21.08.2026 | 16:35
«Մի՛ գոռա, հանգի՛ստ նստիր տեղդ». վեճ՝ Զառիթափում հանրային քննարկումների ժամանակ․ ՏԵՍԱՆՅՈՒԹ
ՌԴ-ն հարվածել է Լվովի ինքնաթիռների վերանորոգման գործարանին․ քաղաքում լսվում են պայթյունի ձայներ
Քաղաքականություն
18.03.2022 | 12:24
Ուրբաթ առավոտյան Լվովում պայթյունների ձայներ են լսվել։ Քաղաքապետ Անդրեյ Սադովին հայտնել է, որ ինքնաթիռների վերանորոգման գործարանը ավերվել է ռուսական հրթիռների հարվածից, սակայն աշխատողներ գործարանում չեն եղել, ոչ ոք չի տուժել։
«Մի քանի հրթիռներ խոցել են ինքնաթիռների վերանորոգման գործարանը։ Շենքը ավերվել է հարվածներից։
Գործարանի ակտիվ աշխատանքը ժամանակից շուտ դադարեցված է եղել, ուստի մարդկային զոհեր այս պահին չկան։
Տեղում աշխատում են փրկարարներն ու համապատասխան կոմունալ ծառայությունները»,- Ֆեյսբուք սոցցանցում գրել է Սադովին։
Ավելի վաղ տեղեկություններ էին տարածվել, որ ՌԴ-ն ավիահարվածներ է հասցրել Լվովի օդանավակայանի տարածքում, քաղաքում լսվում էին պայթյունների ձայներ, իսկ երկնքում ծուխ էր երևում։
Մարտի 13-ին ռուսական ուժերը գնդակոծել են Լվովից ոչ հեռու գտնվող Յավորովե հրաձգարանը։
Տաթև Ֆռանգյան
