29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Գլխավոր դատախազությունն ի պատասխան ԲԴԽ-ի փաստաթուղթ է հրապարակել. ԼՈւՍԱՆԿԱՐ
Քաղաքականություն
17.03.2022 | 22:57
Գլխավոր դատախազությունը հերքում է Բարձրագույն դատական խորհուրդի այն հայտարարությունը, որի համաձայն` մակագրման համակարգի շահագործման առգրավված բանալիները Դատական դեպարտամենտ չեն վերադարձվել։
Հիշեցնենք` ԲԴԽ֊ն այսօր հայտնել էր, որ մարտի 17-ին ՀՀ գլխավոր դատախազի խորհրդական՝ Գոռ Աբրահամյանը, ֆեյսբուքի իր պաշտոնական էջում տեղադրել է հետևյալը. որ «… քրեական գործով առգրավված՝ համակարգի գործարկման և շահագործման առգրավված բանալիները վերադարձվել են, և ՀՀ դատական դեպարտամենտի ղեկավարին հայտնվել է, որ մակագրման համակարգը կարող է վերագործարկվել » մինչդեռ համակարգի գործարկման և շահագործման առգրավված բանալիները Դատական դեպարտամենտ չեն վերադարձվել:
Այս հայտարարությանն ի պատասխան Գլխավոր դատախազությունը հրապարակել է պաշտոնական գրություն` ուղղված Դատական դեպարտամենտի ղեկավար Արմեն Հարությունյանին, որով հայտնում է, որ քրեական գործով առգրավված բանալիները վերադարձվել են և մակագրման համակարգը կարող է վերագործարկվել։
