09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
520 մլն դրամ` Փաշինյանի, Քոչարյանի, Ծառուկյանի և Արամ Սարգսյանի ղեկավարած ուժերին
Քաղաքականություն
17.03.2022 | 17:27
Կառավարության որոշմամբ 2021 թվականի ԱԺ արտահերթ ընտրություններում սահմանված շեմը հաղթահարած կուսակցություններին պետական աջակցություն հատկացվեց։ Չորս քաղաքական ուժերին մեկ տարվա ընթացքում ընդհանուր հատկացվեց 520 մլն 733 հազար դրամ։
Նիկոլ Փաշինյանի ղեկավարած «Քաղաքացիական պայմանագիր» կուսակցությանը բաժին է հասնում ընդհանուր գումարից ամենամեծ բաժինը` 268 մլն դրամ։ Շուրջ 39 մլն դրամ կտրամադրվի Արամ Սարգսյանի ղեկավարած «Հանրապետություն» կուսակցությանը։
Իսկ ահա Գագիկ Ծառուկյանի հիմնադրած «Բարգավաճ Հայաստան» կուսակցությանը պետբյուջեից կհատկացվի 50 մլն դրամ։ 163 մլն դրամ էլ կտրվի Ռոբերտ Քոչարյանի ղեկավարած «Հայաստան» դաշինքին։ Այս դաշինքի կազմում են Դաշնակցություն և Վերածնվող Հայաստան կուսակցությունները։
Ի դեպ, նշենք, որ կառավարության կայքում երեկ առկա էր միայն նախագիծը, իսկ հավելվածը` որտեղ նշված է հատկացվող գումարի չափը, հրապարակվել է այսօրվա ընթացքում։
Նարեկ Կիրակոսյան
