09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Գյուղում երիտասարդ ընտանիքը պիտի ունենա բավարար եկամուտ, որը կարող է նպաստել ծնելիության բարձրացմանը․ ՏԵՍԱՆՅՈՒԹ
Հասարակություն
17.03.2022 | 17:32
Այս տարի վերահաշվարկ կլինի և հավանաբար կգրանցվի դեպոպուլյացիա. դա պայմանավորված էր 2020թ. կորոնավիրուսի և պատերազմի հետևանքով գրանցված մահերի մեծ թվով: «Հայաստանի ժողովրդագրական պատկերը՝ միգրացիոն ներհոսքի պայմաններում» թեմայով քննարկման ժամանակ այս կարծիքը հայտնեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթները համակարգող խորհրդական, ժողովրդագրագետ Արտակ Մարկոսյանը:
«Այս տարի կունենանք բնական աճ: Մահացության որոշակի նվազում կգրանցվի»,- նշեց Մարկոսյանը:
Նրա խոսքով՝ կառավարությունը ծրագրեր է իրականացնում՝ ի նպաստ ծնելիության մակարդակի բարձրացման:
«Այսօր մեր ամենամեծ խնդիրը գյուղական բնակավայրերում է. Հայաստանն աշխարհում միակ պետությունն է, որի գյուղական բնակավայերում ծնելիության գումարային գործակիցն ավելի ցածր է, քան քաղաքային բնակավայրերում: Մեր գյուղերը շատ լուրջ խնդիր ունեն, դա ոչ միայն սոցիալ-տնտեսական է, այլ նաև մշակութային, կրթական և այլն… Գյուղում երիտասարդ ընտանիքը պիտի ունենա բավարար եկամուտ, ինչը կարող է նպաստել ծնելիության մակարդակի բարձրացմանը»,- նշեց ժողովրդագրագետը:
Մանրամասները՝ տեսանյութում:
