29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Օտարերկրացիների ներգաղթը կարող է ազդել Հայաստանի ժողովրդագրական պատկեր վրա․ ՏԵՍԱՆՅՈՒԹ
Հասարակություն
17.03.2022 | 17:16
Ներգաղթը կարող է ազդել Հայաստանի ժողովրդագրական պատկեր վրա: «Հայաստանի ժողովրդագրական պատկերը՝ միգրացիոն ներհոսքի պայմաններում» թեմայով քննարկման ժամանակ այս կարծիքը հայտնեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթները համակարգող խորհրդական, ժողովրդագրագետ Արտակ Մարկոսյանը:
Նրա խոսքով՝ բավականին լուրջ մարտահրավերների առաջ ենք կանգնած, քանի որ պատերազմում են երկու պետություններ, որտեղ մեծ թվով հայեր կան:
«Այսօր մեծ խնդիրներից է այն, թե ինչ է լինելու այն քաղաքացիների հետ, որոնք չունեն Ուկրաինայի քաղաքացիություն, և պատերազմի հետևանքով դուրս են գալիս Ուկրաինայից և հանգրվանում են ԵՄ տարածքում, որտեղ կարող են մնալ 2 շաբաթ: Պետք է փորձենք մեր հայրենակիցներին վերադարձնել ՀՀ:
Իրավիճակ է փոխվում նաև ՌԴ-ում, և այս պատերազմական իրադարձությունների հետևանքով կնվազի մեր հայրենակիցների՝ ՌԴ մեկնելու միտումը: Արդեն հետադարձ գործընթաց կարող ենք տեսնել, մեր հայրենակիցներից շատերը, որոնք ՌԴ քաղաքացի են, ակտիվորեն փորձում են վերականգնել ՀՀ քաղաքացիությունը, չի բացառվում, որ ՌԴ-ից հայերի որոշ մաս կփորձի վերադառնալ Հայաստան:
Ներգաղթողների մեծ մասը կլինի վերարտադրողական տարիքի, և այդ պարագայում, կարծում ենք, ներհոսքը կարող է ազդեցություն ունենալ նաև ժողովրդագրական գործընթաների վրա:
Թե որքան կտևի ռուս-ուկրաինական պատերազմը, ինչ վերջ կունենա, ինչ իրավիճակ կստեղծվի՝ պայմանավորված պատժամիջոցներով, այդ ամենը ևս ազդեցություն կունենա ՀՀ ներգաղթի վրա: Մենք էլ մեր տնային աշխատանքը պետք է կատարենք և կարողանանք ընդունել, եթե ներհոսք լինի, որովհետև այսօր ՀՀ-ից մեկնելու առաջին պայմաններից մեկը աշխատանքի բացակայությունն է և ոչ բավարար չափով վարձատրությունը, իհարկե, նաև նոր հանգամանք է ի հայտ եկել՝ դա արցախյան երկրորդ պատերազմից հետո անվտանգային միջավայրի վատացումն է»:
Մանրամասները՝ տեսանյութում:
