18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Որոշվել է այս տարի մարդահամար անցկացնել․ ժողովրդագրագետ․ ՏԵՍԱՆՅՈՒԹ
Քաղաքականություն
17.03.2022 | 16:32
Որոշվել է այս տարի մարդահամար անցկացնել: «Հայաստանի ժողովրդագրական պատկերը՝ միգրացիոն ներհոսքի պայմաններում» թեմայով քննարկման ժամանակ այս մասին տեղեկացրեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթները համակարգող խորհրդական, ժողովրդագրագետ Արտակ Մարկոսյանը:
«Հայաստանում ժողովրդագրական խնդիրները գնալով ավելանում են և ավելի բազմագործոն են դառնում: Այս տարի որոշվել է անցկացնել մարդահամար: Նախորդ տարիների տվյալները այնքան էլ հուսադրող չեն եղել ՀՀ-ի համար. 2001 թ. անցկացված մարդահամարի տվյալներով՝ ՀՀ մշտական բնակչության թիվը նվազել էր՝ կազմելով մոտ 3 մլն, 200 հազար մարդ, 2011 թ. տվյալներով՝ 2001-ի համեմատ մշտական բնակչության թիվը 150 հազարով նվազել էր»,- նշեց Մարկոսյանը:
Նրա խոսքով՝ մարդահամարի անցկացումն անհրաժեշտ է, որպեսզի մոտակա 10 տարվա վերաբերյալ կատարվեն իրական կանխատեսումներ և ավելի հստակ լինի, թե ինչ քայլեր պետք է ձեռնարկել ժողովրդագրական իրավիճակի բարելավման համար:
Մանրամասները՝ տեսանյութում:
