17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Խանութներից գողություններ էին արել ու բռնվել. ոստիկանության բացահայտումը
Հասարակություն
17.03.2022 | 15:51
Փետրվարի 10-ի առավոտյան ոստիկանության ՊՊԳՎ Մալաթիայի պահպանության բաժնից ոստիկանության Մալաթիայի բաժին հաղորդում էր ստացվել, որ կոտրել են Անդրանիկի փողոցի խանութներից մեկի մուտքի դռան ապակին․ տեղեկացնում են ՀՀ ոստիկանությունից։
Դեպքի առթիվ հարուցվեց քրեական գործ:
Բաժնի քրեական հետախույզները ոստիկանության Երևան քաղաքի վարչության և փորձաքրեագիտական վարչության ծառայողների հետ ձեռնարկած միջոցառումներով դեպքից մեկ ամիս անց պարզեցին, որ գաղտնի հափշտակությունը կատարել են 22 և 26 տարեկան երկու երիտասարդ՝ երկուսն էլ մայրաքաղաքի բնակիչներ։ Մարտի 10-ին նրանք Երևանի Օհանովի փողոցում հայտնաբերվեցին ու բերման ենթարկվեցին ոստիկանության Մալաթիայի բաժին, ապա ներկայացվեցին նախաքննական մարմնին: Հետագա միջոցառումներով փաստական տվյալներ ձեռք բերվեցին, որ երիտասարդները նույն եղանակով գողություններ են արել նաև Մալաթիա վարչական շրջանի այլ խանութ-սրահներից։
Ձեռնարկվում են միջոցառումներ՝ գողոնը հայտնաբերելու ուղղությամբ:
Հարուցված քրեական գործի նախաքննությունը շարունակվում է:
