29.06.2026 | 10:10
Փրկարարները վիրավոր արագիլին տեղափոխվել են կենդանաբանական այգի
Չեռնիգովում ռազմական գործողությունները մեկ օրում 53 խաղաղ բնակչի կյանք են խլել
Քաղաքականություն
17.03.2022 | 16:23
Ռուս զինվորականները շարունակում են Չեռնիգովի համակարգված օդային և հրետանային գնդակոծությունները՝ ոչնչացնելով քաղաքացիական ենթակառուցվածքները։ Միայն երեկ սպանվել է տեղի 53 բնակիչ։ Այս մասին մարտի 17-ին հայտարարել է Չեռնիգովի ղեկավար Վյաչեսլավ Չաուսը, գրում է Korrespondent-ը։
«Մենք մեծ կորուստներ ենք կրում, հենց երեկ օկուպանտների կողմից սպանված մեր քաղաքացիների 53 դի տեղափոխվել է քաղաքի դիահերձարաններ»,- ասել է Չաուսը։
Նա, միաժամանակ, նշել է, որ Ուկրաինայի զինված ուժերը շարունակում են ավերիչ հարվածներ հասցնել հակառակորդի ուժերին։ Չաուսը տեղեկացրել է նաև, որ վերանորոգման աշխատանքներ իրականացնող բրիգադները քաղաքում մշտական կրակի տակ են, սակայն աշխատում են՝ մարդկանց էլեկտրականությամբ, ջրով և գազով ապահովելու համար։
Բացի այդ, Չաուսը խոսել է «կանաչ միջանցքի» կազմակերպման հետ կապված դժվարությունների մասին, սակայն խոստացել է, որ այսօր ևս բանակցությունները կշարունակվեն։
Տաթև Ֆռանգյան
