17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բորիս Ջոնսոնը հայտարարել է, որ Ուկրաինայի անդամակցության հարց ՆԱՏՕ-ին մոտ հեռանկարում չկա
Քաղաքականություն
16.03.2022 | 20:31
Մեծ Բրիտանիայի վարչապետ Բորիս Ջոնսոնը հայտարարել է, որ ՆԱՏՕ-ին Ուկրաինայի անդամակցության հարց մոտ հեռանկարում չկա։ Այս մասին գրում է The Guardian-ը։
Դիտարկմանը, որ Ուկրաինայի նախագահ Վլադիմիր Զելենսկին երեկ ընդունել է, որ Կիևը չի միանալու ՆԱՏՕ-ին, Ջոնսոնը պատասխանել է․ «Ես երեկ կրկին խոսել եմ Վլադիմիր Զելենսկիի հետ։ Իհարկե, ես հասկանում եմ՝ ինչ է նա ասում ՆԱՏՕ-ի դիրքորոշման և իրականության մասին։ Բոլորը միշտ ասել են, և մենք Պուտինին պարզ հասկացրել ենք, որ Ուկրաինան ՆԱՏՕ-ին շուտով միանալու հնարավորություն չունի։ Բայց Ուկրաինայի ապագայի մասին որոշումը պիտի լինի ուկրաինացի ժողովրդինն և Վլադիմիր Զելենսկիինը՝ որպես ընտրված առաջնորդ, և մենք կաջակցենք նրան»,- ասել է Բորիս Ջոնսոնը։
Էմմա Չոբանյան
