17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Ջո Բայդենի վարչակազմը դիտարկում է Կիևին «Switchblades» ԱԹՍ-ներ տրամադրելու հարցը
Քաղաքականություն
16.03.2022 | 19:36
ԱՄՆ նախագահ Ջո Բայդենի վարչակազմը դիտարկում է Ուկրաինային ամերիկյան արտադրության առաջադեմ կառավարվող հրթիռներով «Switchblades» անօդաչու թռչող սարքեր տրամադրելու հարցը, որոնք կարող են ճշգրիտ թիրախավորել ռուսական տանկերն ու հրետանային դիրքերը մի քանի մղոն հեռավորությունից։ Այս մասին NBC News-ի հայտնել են Կոգրեսի երկու պաշտոնյաներ։
Նշվում է, որ դեռևս որոշում չի ընդունվել, բայց, ըստ պաշտոնյաների, Սպիտակ տունը մտածում է Ուկրաինային Switchblades հրթիռներ մատակարարելու մասին՝ որպես ռազմական օգնության նոր փաթեթի մաս, որը նախատեսվում է քննարկել չորեքշաբթի։
Այս զենքի երկու տարբերակ կա ՝ Switchblade 300 և Switchblade 600, որոնք ԱՄՆ հատուկ գործողությունների հրամանատարությանը վաճառվել են AeroVironment արտադրողի կողմից։ Այն նախատեսված է տանկեր և այլ զրահատեխնիկա ոչնչացնելու համար:
Նշվում է, եթե Switchblade-ը տրվի Ուկրաինային, դա կարող է հանգեցնել այդ զենքի՝ մինչ օրս մարտերում ամենակարևոր կիրառման։
Իրավիճակին ծանոթ աղբյուրները նաև ասել են, որ Ուկրաինան Բայդենի վարչակազմից խնդրել է անօդաչու սարքեր, «առանցքից դուրս» էլեկտրոնային սարքավորումներ և «երկիր-օդ» հրթիռներ, որոնք կարող են հարվածել ինքնաթիռներին ավելի մեծ բարձրությունների վրա:
Էմմա Չոբանյան
