21.08.2026 | 16:35
«Մի՛ գոռա, հանգի՛ստ նստիր տեղդ». վեճ՝ Զառիթափում հանրային քննարկումների ժամանակ․ ՏԵՍԱՆՅՈՒԹ
Ռուսաստանը հեռացվեց Եվրոպայի խորհրդից․ ՌԴ դրոշն իջեցվել է
Քաղաքականություն
16.03.2022 | 18:10
Եվրոպայի խորհրդի (ԵԽ) Նախարարների կոմիտեն որոշել է, որ 2022 թվականի մարտի 16-ից Ռուսաստանը դադարում է լինել կազմակերպության անդամ։ Այս մասին ասվում է ԵԽ կայքում հրապարակված հայտարարության մեջ, փոխանցում է Swissinfo-ն։
«Այսօր առավոտյան արտահերթ նիստում Նախարարների խորհուրդը որոշեց, որ ԵԽ կանոնադրության 8-րդ հոդվածի համաձայն նախաձեռնված ընթացակարգի համատեքստում՝ 2022թ․ մարտի 16-ից Ռուսաստանի Դաշնությունը դադարում է լինել Եվրոպայի խորհրդի անդամ»,- ասվում է հայտարարության մեջ։
Նշենք, որ նախօրեին էլ Պետդումայի փոխխոսնակ, Եվրախորհրդի խորհրդարանական վեհաժողովում (ԵԽԽՎ) ռուսական պատվիրակության ղեկավար Պյոտր Տոլստոյը հայտարարել էր, որ Ռուսաստանին Եվրախորհրդից դուրս բերելու որոշումը կայացվել է, և ԱԳ նախարար Սերգեյ Լավրովի համպատասխան նամակը փոխանցվել է Եվրախորհրդի գլխավոր քարտուղարին։
Հավելենք, որ Ստրասբուրգում Եվրոպայի խորհրդի շենքի առջևից այսօր իջեցվել է նաև ՌԴ պետական դրոշը՝ կազմակերպությունում այդ երկրի 26 տարվա անդամակցությունից հետո։
Էմմա Չոբանյան
