16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Պատերազմի ժամանակ սփյուռքից ուղարկված որոշ ապրանքներ դեռ պահեստներում են. ՊԵԿ ղեկավարը հաստատեց
16.03.2022 | 17:17
44-օրյա պատերազմի ժամանակ սփյուռքից որպես աջակցություն տարատեսակ ապրանքներ են ուղարկվել։ Ճի՞շտ են լուրերը, որ դրանց մի մասը դեռևս պահեստներում է։ Այսօր խորհրդարանում ՀՀ պետական եկամուտների կոմիտեի նախագահ Ռուստամ Բադասյանը հաստատեց տարածվող լուրերը՝ հավաստիացնելով. «Սփյուռքից ուղարկված ապրանքների խնդիրը կառավարության վերահսկողության տակ է և շուտով լուծում կստանա»։
Ինչո՞ւ մինչև այժմ այդ հարցը չի լուծվել այն դեպքում, երբ պատերազմից մեկուկես տարի է անցել՝ Բադասյանն ասաց. «Տարաձայնություն է եղել, թե որ մարմինը պետք է ստանա ապրանքը՝ ԱԻՆ-ը, թե՞ առողջապահության նախարարությունը»։
Բադասյանի խոսքով՝ պետական գերատեսչությունների գործընկերներին նամակներ են ուղարկվել, որ այն ապրանքների մասով, որոնք իրենց են հասցեագրված, պետք է ավարտեն մաքսազերծման գործընթացը։ «Մենք գույքագրել ենք բոլոր այն ապրանքները, որոնք այս պահին գտնվում են մաքսային հսկողության գոտում։ Ներկայացրել ենք նրանց, որպեսզի շտապ ավարտին հասցնենք այս գործընթացը»,- ասաց Բադասյանը։
Մերի Մարտիրոսյան
