23.04.2026 | 22:00
ՊԵԿ նախագահը Մեծ Բրիտանիայի դեսպանի հետ քննարկել է ՊԵԿ-ի բարեփոխումներին ուղղված աջակցությունը
Ռուսաստանի դեմ տրիբունալ պետք է լինի․ Զելենսկի
Քաղաքականություն
16.03.2022 | 17:44
Ուկրաինան սկսում է նյութեր հավաքել ռուս զինվորականների և Ռուսաստանի Դաշնության ղեկավարության նկատմամբ միջազգային տրիբունալի համար, որոնք պատերազմ սանձազերծեցին Ուկրաինայում։ Այս մասին իր տեսաուղերձում ասել է Ուկրաինայի նախագահ Վլադիմիր Զելենսկին, գրում է Korrespondent-ը։
«Մենք կուժեղացնենք աշխատանքը՝ նրանց պատասխանատվության ենթարկելու համար: Պետք է լինի միջազգային տրիբունալ: Այն ամենի համար, ինչ նրանք արել են Ուկրաինայի դեմ, մեր ժողովրդի դեմ, մեր պետության տարածքում ռուսական զորքերի կողմից իրականացվող յուրաքանչյուր ահաբեկչության համար»,- ասել է նա։
Զելենսկին նշել է, որ Միջազգային քրեական դատարանի դատախազն արդեն ժամանել է Ուկրաինա։
«Ես զրույց եմ ունեցել Հաագայի միջազգային քրեական դատարանի դատախազ Քարիմ Խանի հետ, նա արդեն Ուկրաինայում է, սկսել է աշխատել։ Ռուս օկուպանտները պատասխան կտան ուկրաինացիների դեմ կատարված բոլոր ռազմական հանցագործությունների համար: Մենք կուժեղացնենք աշխատանքը՝ նրանց պատասխանատվության ենթարկելու համար: Պետք է լինի միջազգային տրիբունալ: Եվ այն կլինի այն»,- ասել է Զելենսկին։
Նրա խոսքով՝ Ուկրաինայի դատախազությունն արդեն սկսել է համապատասխան աշխատանքները։
«Ռուսական զորքերը հարյուր անգամ ավելի շատ ավերածություններ բերեցին Ուկրաինա, քան Դոնբաս՝ պատերազմի ութ տարիների ընթացքում»,- ասել է Զելենսկին՝ հավելելով, որ ամենից շատ գնդակոծվել են Ուկրաինայի արևելքը, որտեղ ապրում է ռուսախոսների մեծ մասը։
Տաթև Ֆռանգյան
