19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
ՀՀ-ում ԵՄ դեսպանը մասնակցել է ԵՄ ԻՐԻՍ բիզնես ինկուբատորի ամփոփիչ միջոցառմանը
16.03.2022 | 16:19
«Հայկական Կարիտաս» բարեսիրական ՀԿ-ի և «ՓՄՁ համագործակցության ասոցիացիա» ՀԿ-ի կողմից հիմնադրված ԵՄ ԻՐԻՍ բիզնես ինկուբատորը մարտի 15-ին ամփոփել է իր 3 հիմնական ինկուբացիոն փուլերի արդյունքները, որոնք իրականացվել են Եվրոպական միության` Սիրիայի ճգնաժամի արձագանքման տարածաշրջանային ֆոնդի (ՄԱԴԱԴ ֆոնդ), Ավստրիական զարգացման համագործակցության և Ավստրիական Կարմիր խաչի կողմից ֆինանսավորվող «Սիրիահայերի և տեղացիների դիմակայունության բարձրացում» ծրագրի շրջանակում։
Միջոցառման նպատակն էր ներկայացնել ԵՄ ԻՐԻՍ բիզնես ինկուբատորի գրանցած արդյունքները, վերջինիս ազդեցությունը Հայաստանի ՓՄՁ ոլորտի վրա, ցուցադրել դրա դերը ՀՀ ՓՄՁ էկոհամակարգում, ինչպես նաև միջոցառման մասնակիցներին ծանոթացնել ԻՐԻՍ ԲԻ ռեզիդենտների համայնքի համար առկա լայն հնարավորությունների հետ, ինչպիսիք են մասնագիտական կրթությունը, ապրանքների և ծառայությունների ցուցադրությունը, բիզնես ցանցի ընդլայնումը, գործընկերության և համագործակցության առաջարկները, և այլն:
Միջոցառմանը ներկա էին Հայաստանում Եվրոպական միության պատվիրակության ղեկավար, դեսպան Անդրեա Վիկտորինը, ՀՀ էկոնոմիկայի նախարարի տեղակալ Ռաֆայել Գևորգյանը, Ավստրիական զարգացման գործակալության Գրասենյակի ղեկավար Կլաուս Կապպերը:
Դեսպան Վիկտորինը նշեց․ «2019 թ․-ին ԵՄ կողմից ֆինանսավորվող «Սիրիահայերի և տեղացիների դիմակայունության բարձրացում» (ԻՐԻՍ) ծրագրի շրջանակում հիմնադրված ԻՐԻՍ բիզնես ինկուբատորի կայունությունն առանձնահատուկ նշանակություն ունի մեզ համար, և մենք խրախուսում ենք դրա համագործակցությունը ԵՄ կողմից ֆինանսավորվող այլ ծրագրերի հետ: Շատ կարևոր է, որ ծրագրի ավարտից հետո Ինկուբատորը մշտապես զարգանա՝ կատարելագործելով իր մեթոդաբանությունը, ընդլայնելով հասանելիությունը և սպասարկելով հնարավորինս շատ ՓՄՁ-ներ՝ խոցելի իրավիճակներում հայտնված մարդկանց հետ աշխատելու իր եզակի կարողությամբ»։
Ավելի քան 650 մլն ՀՀ դրամ ընդհանուր գումարի շրջանակում ֆինանսավորման պայմանագրեր են ստորագրվել ԵՄ ԻՐԻՍ ԲԻ 3 ինկուբացիոն փուլերի 150 հաջողակ ձեռներեցների հետ:
