29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Չեռնոբիլի ատոմակայանում և դրա շրջակայքում ճառագայթային ֆոնը չի փոխվել․ անձնակազմը հրաժարվել է հերթափոխից
Քաղաքականություն
16.03.2022 | 17:23
Արդեն 21-րդ օրն է՝ Չեռնոբիլի ԱԷԿ-ի աշխատակազմը կայանի տարածքում աշխատում է առանց հերթափոխի՝ ապահովելով կայանի բոլոր տարրերի և համակարգերի միջուկային և ճառագայթային անվտանգությունը։
«103 մասնագետ հոգ է տանում ոչ միայն կայանի, այլև ամբողջ աշխարհի անվտանգության մասին, քանի որ ոչ ոք չի հասկանում հնարավոր միջուկային աղետի հետևանքները»,- Facebook սոցցանցում գրառմամբ հայտնում է «Էներգոատոմ»-ը։
Հաղորդվում է, որ միջուկային օբյեկտը փաստացի վերածվել է ռազմական բազայի: Միաժամանակ, նշվում է, որ այսօրվա դրությամբ՝ Չեռնոբիլի ատոմակայանում և դրա շրջակայքում ճառագայթային ֆոնը չի փոխվել և գտնվում է ընդունելի սահմաններում։
Նշվում է, որ ռուսները դեռևս չեն խառնվում արտադրական գործընթացին. նրանց և կայանի աշխատակիցների միջև շփում գրեթե չկա։
Տեղեկացվում է նաև, որ ուկրաինացի միջուկային գիտնականները հրաժարվել են հերթափոխից կամ տարածքն ազատելուց՝ հասկանալով, որ վտանգի տակ կդնեն իրենց գործընկերներին, որոնք հետո ստիպված կլինեն դառնալ կամավոր պատանդներ։ Բացի այդ, եթե անձնակազմը լքի կայանը, ռուսական կողմը կարող է փոխարենը նոր անձնակազմ բերել «Ռոսատոմ»-ից։
Տաթև Ֆռանգյան
