23.04.2026 | 23:33
Մահացել է Արցախի հերոս Ռոբերտ Աբաջյանի մայրը
Ուկրաինան արձագանքել է ապառազմականացված երկիր ստեղծելու` ՌԴ հայտարարություններին
Քաղաքականություն
16.03.2022 | 16:34
Ուկրաինայի նախագահի աշխատակազմի ղեկավարի խորհրդական, Ռուսաստանի հետ բանակցություններում ուկրաինական պատվիրակության անդամ Միխայիլ Պոդոլյակը մեկնաբանել է Ռուսաստանի հայտարարությունները Ուկրաինան սեփական բանակով ապառազմականացված երկիր դարձնելու առաջարկի վերաբերյալ՝ Շվեդիայի կամ Ավստրիայի օրինակով, գրում է Korrespondent-ը։
«Իհարկե, մենք հասկանում ենք մեր գործընկերների՝ բանակցային գործընթացում ակտիվ կողմ մնալու փորձը, այստեղից էլ՝ չեզոքության շվեդական կամ ավստրիական մոդելների մասին խոսքերը։ Բայց Ուկրաինան այժմ ուղղակի պատերազմի մեջ է Ռուսաստանի Դաշնության հետ։ Հետևաբար, մոդելը կարող է լինել միայն ուկրաինական և միայն օրինականորեն հաստատված անվտանգության երաշխիքների մասին։ Եվ ոչ մի այլ մոդել կամ տարբերակ»,- գրել է նա Telegram-ում։
Պոդոլյակը պարզաբանել է, որ նկատի ունի Ուկրաինայի՝ անվտանգության երաշխիքների առաջարկը։
Հիշեցնենք՝ ավելի վաղ ռուս-ուկրաինական բանակցություններում ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին հայտարարել էր, որ բանակցություններում Կիևը առաջարկում է Ուկրաինայում ստեղծել ապառազմականացված պետության ավստրիական կամ շվեդական մոդելը, որն ունի սեփական բանակ։
Նա հավելել է, որ հարցը քննարկվում է երկու երկրների պաշտպանության նախարարների մակարդակով։
