10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Անապահով խավն ավելի շատ է բախվում իրավապահ համակարգի կամայականություններին․ Արթուր Սաքունց․ ՏԵՍԱՆՅՈՒԹ
Հասարակություն
16.03.2022 | 14:21
«Հելսինկյան քաղաքացիական ասամբլեայի Վանաձորի գրասենյակի» կողմից հետազոտություններ են իրականացվել 2015, 2017, 1019, 2021 թվականներին «Մարդու իրավունքների վրա հիմնված պատասխանատու ոստիկանության ստեղծում» ծրագրի շրջանակներում: Ուսումնասիրություններ են կատարվել «Հասարակական հետազոտությունների առաջատար խումբ» ՀԿ-ի կողմից:
«Իրավապահ մարմինների կամայականությունները, ոստիկանության հանդեպ վստահությունը՝ համաթվերով» թեմայով ասուլիսում իր դիտարկումները ներկայացրեց «Հելսինկյան քաղաքացիական ասամբլեայի Վանաձորի գրասենյակ» ՀԿ նախագահ Արթուր Սաքունցը:
Նրա խոսքով՝ այս հետազոտությունն ազդակ է քաղաքական իշխանություններին՝ տեսնելու, թե ինչպիսին են հանրային ընկալումներն իրավապահ մարմինների գործուներության նկատմամբ:
Նշենք, որ հետազոտության համաձայն՝ իրավապահ մարմինների կամայականության գնահատումը 2021 թվականին 2019-ի համեմատ նվազել է, իսկ ոստիկանության հանդեպ վստահության համաթիվն աճել է:
Արթուր Սաքունցն ընդգծեց, որ այս հետազոտության նպատակը առաջին հերթին հանրային կարծիք ձևավորելն է և հանրությանը պահանջատեր դարձնելը՝ ոստիկանության բարեփոխումների պահանջներ ներկայացնելու առումով, երկրորդը՝ հետազոտությունը ներկայացվելու է ոստիկանությանը, որպեսզի տեղեկանան առկա միտումներին:
«Արդյո՞ք ոստիկանության բարեփոխումները կարող ենք համարել արդյունավետ՝ հաշվի առնելով այս միտումները: Այս օբյեկտիվ տվյալները գալիս են հիմնավորելու այդ մտահոգությունները»,- նշեց Սաքունցը:
«Հասարակական հետազոտությունների առաջատար խումբ» ՀԿ նախագահ Լիանա Բալյանը տեղեկացրեց. «Հետազոտությամբ պարզվել է, որ անապահով խավն ավելի շատ է բախվում իրավապահ համակարգի կամայականություններին»:
Սաքունցը հավելեց, որ սոցիալապես անապահովներն ավելի խոցելի են դարձել իրավապահ մարմինների կամայականությունների զոհ դառնալու տեսակետից:
Մանրամասները՝ տեսանյութում:
