10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Ռուսական Առաջին ալիքի խմբագիրը տուգանվել է՝ հակապատերազմական պաստառով ուղիղ եթեր մտնելու համար
Քաղաքականություն
16.03.2022 | 16:16
Օստանկինոյի շրջանային դատարանը 30 հազար ռուբլու չափով տուգանել է ռուսական Առաջին ալիքի աշխատակցուհի Մարինա Օվսյաննիկովային՝ լրատվական թողարկման ժամանակ հակապատերազմական պաստառով ուղիղ եթերի տաղավար մտնելու համար, գրում է Meduza-ն։
Նա մեղավոր է ճանաչվել չհամաձայնեցված հասարակական ակցիա կազմակերպելու համար։ Խոսքը Օվսյաննիկովայի հակապատերազմական ակցիայի մասին չէ, այլ տեսաուղերձի, որում նա կոչ էր անում մարդկանց բողոքել պատերազմի դեմ։
Քննություն է իրականացվում նաև Օվսյաննիկովայի կողմից ռուս զինվորականների մասին «գիտակցաբար կեղծ տեղեկությունների հրապարակային տարածման» մասին նոր քրեական հոդվածով։
Հիշեցնենք՝ Մարինա Օվսյաննիկովան ՌԴ Առաջին ալիքի լրատվական ծրագրի ժամանակ ուղիղ եթերի տաղավար է մտել՝ ձեռքին հակապատերազմյան պաստառ պահելով։
Տաթև Ֆռանգյան
