17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Պեսկովը խոսել է Ուկրաինայի հետ բանակցությունների հեռանկարի մասին
Քաղաքականություն
15.03.2022 | 15:29
ՌԴ նախագահի մամուլի խոսնակ Դմիտրի Պեսկովը գնահատել է Ուկրաինայի հետ բանակցությունների հեռանկարները, գրում է BBC-ի ռուսական ծառայությունը։
Այսօր ավելի վաղ Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը հույս էր հայտնել, որ Ռուսաստանի հետ բանակցությունների ընթացքում «ամեն ինչ կարող է լուծվել ամենակարճ ժամկետում՝ մեկ-երկու շաբաթում»։
«Սպասում ենք արդյունքների, որոնց մասին կարելի կլինի տեղեկացնել հանրությանը»,- ասել է Պեսկովը՝ հրաժարվելով կանխատեսումներից։
Ըստ նրա՝ Արևմուտքի հետ բանակցությունները «նախկին ձևով հազիվ թե հնարավոր են»։
«Հիմա ոչ, իրավիճակ է փոխվել։ Իհարկե, բանակցություններն ինքնին պահանջված կլինեն, քանի որ իրավիճակն արմատապես փոխվել է։ Ի հայտ են եկել նոր շեշտադրումներ։ Այս ամենը պետք է ապագայում հաշվի առնել»,- ասել է Պեսկովը։
Էմմա Չոբանյան
