09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
10 ժամ է՝ փաստաբանները չեն կարողանում գտնել հակապատերազմական պաստառով ուղիղ եթերում հայտնված ռուսական Առաջին ալիքի խմբագրին
Քաղաքականություն
15.03.2022 | 16:10
Ավելի քան 10 ժամ է՝ փաստաբանները չեն կարողանում գտնել ռուսական Առաջին ալիքի խմբագիր Մարինա Օվսյաննիկովային, որը բերման է ենթարկվել երկուշաբթի՝ մարտի 14-ի երեկոյան, այն բանից հետո, երբ նա ուղիղ եթերում հայտնվել է հակապատերազմական պաստառով։ Այս մասին այսօր առավոտյան Meduza-ին ասել է Agora իրավապաշտպան կազմակերպության իրավաբան Դանիիլ Բերմանը։
Նախ հաղորդվում էր, որ Օվսյաննիկովային տեղափոխել են Մոսկվայի Օստանկինոյի շրջանի ոստիկանական բաժանմունք։ Ոստիկանությունից, սակայն, իրավապաշտպաններին ասել են, որ նա բաժանմունքում չէ։
Մարտի 15-ի գիշերը հայտնի է դարձել, որ ձերբակալվածին գտել են Օստանկինո հեռուստակենտրոնի հերթապահ սենյակում։ Երբ փաստաբան Անրի Ցիսկարիշվիլին կարողացել է մուտք գործել այնտեղ, Օվսյաննիկովային այնտեղ չի գտել։
Փաստաբանները Meduza-ի հետ զրույցում հաստատել են, որ մարտի 15-ի առավոտյան դրությամբ՝ իրավաբաններին չի հաջողվել գտնել Օվսյաննիկովային ո՛չ Օստանկինոյի հերթապահ մասում, ո՛չ քաղաքի այլ ոստիկանական բաժանմունքներում:
Տաթև Ֆռանգյան
