27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Wildberries-ի հավելվածը խափանվել է․ պարզաբանում ընկերությունից
Տնտեսություն
14.03.2022 | 15:15
Այսօր առավոտից քաղաքացիներն ահազանգում են, որ Wildberries-ի կայքն ու հավելվածը նորմալ չեն գործում։ Թեև կայքի գլխավոր էջը գործում է, սակայն օգտատերերի անձնական հաշիվներում պատվերների դաշտը դատարկ է արտացոլվում։
«Բիզնեսը Wildberries-ում» ընկերության համահիմնադիր Արմեն Սարգսյանը Factor.am-ի հետ զրույցում ասաց, որ խնդիրը կարգավորելու ուղղությամբ աշխատանքներ են տարվում։
«Տոտալ տեխնիկական խնդիրներ կան թե՛ կայքում, թե՛ հավելվածում, և դրանք բոլորի մոտ են առկա։ Հավելվածում օգտատերերի էջերը չեն երևում, պատվերների դաշտն էլ դատարկ է։ Այդ ուղղությամբ աշխատում են և շուտով խնդիրը կկարգավորվի»,- նշեց մեր զրուցակիցը։
Ընկերությունից վստահեցրին, որ քաղաքացիների կատարած պատվերները տեղ կհասնեն, իսկ նրանք, ովքեր պատվերի վերադարձ են կատարել, և գումարը դեռևս չի փոխանցվել քարտային հաշվին, անպայման կվերադարձվի։ Բայց թե երբ կկարգավորվի խնդիրը, հստակ ժամկետ հայտնի չէ։
Արփի Հակոբյան
