26.11.2024 | 20:14
Հայաստանի մի շարք շրջաններում ձյուն է տեղում
Չեռնոբիլիի ԱԷԿ-ի անձնակազմն այլևս ի վիճակի չէ աշխատել․ ՄԱԳԱՏԷ
Քաղաքականություն
14.03.2022 | 15:14
Չեռնոբիլի ատոմակայանի աշխատակազմն այլևս չի իրականացնում սարքավորումների վերանորոգում և սպասարկում, ասվում է Էներգոատոմ պետական ընկերության՝ մարտի 14-ի հայտարարության մեջ, որում հղում է արվում ՄԱԳԱՏԷ-ի գլխավոր տնօրեն Ռաֆայել Մարիանո Գրոսիին։
Դա պայմանավորված է ֆիզիկական և հոգեբանական հոգնածությամբ՝ գրեթե երեք շաբաթ անդադար աշխատանքից հետո:
«211 մարդ՝ տեխնիկական անձնակազմը և անվտանգության աշխատակիցները, դեռևս չեն կարողանում հերթափոխվել»,- ասվում է հաղորդագրության մեջ։
Գրոսին հիշեցրել է, որ Չեռնոբիլի ատոմակայանի աշխատակիցներն օբյեկտի տարածք հերթափոխի են մտել ռուսական ներխուժման նախօրեին։
«Իրավիճակի վատթարացման պատճառով Ուկրաինայում ատոմակայանների անվտանգությունն ու ֆիզիկական անվտանգությունն ապահովելու՝ ՄԱԳԱՏԷ-ի նախաձեռնությունը գնալով ավելի կարևոր է դառնում»,- ասել է Ատոմային էներգիայի միջազգային գործակալության գլխավոր տնօրենը։
Հիշեցնենք, որ ռուսական զորքերը Բելառուսից մտել են Չեռնոբիլի ԱԷԿ-ի գոտի՝ Կիևը գրավելու համար միջանցք ապահովելու նպատակով։ Պատանդ վերցնելով Չեռնոբիլի ատոմակայանի անձնակազմին՝ զինտեխնիկա են ուղարկել Կիև, Իվանկով և Դայմեր։ Մարտի 9-ին առանց էլեկտրականության են մնացել Չեռնոբիլի ատոմակայանը, գոտում գտնվող բոլոր միջուկային օբյեկտները և Սլավուտիչ քաղաքը։
Տաթև Ֆռանգյան
