09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պոդոլյակը պատմել է Ուկրաինայի և ՌԴ-ի միջև բանակցությունների ընթացքի մասին
Քաղաքականություն
14.03.2022 | 14:53
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը պատմել է Ուկրաինայի և Ռուսաստանի միջև բանակցությունների ընթացքի մասին, որոնք տեղի են ունեցել երկուշաբթի՝ մարտի 14-ին, տեսակոնֆերանսի միջոցով, գրում է Korrespondent-ը։
«Կողմերն ակտիվորեն արտահայտում են իրենց դիրքորոշումները՝ արդեն հստակեցված: Շփումը դժվար է, բայց շարունակվում է: Տարաձայնությունների պատճառն այն է, որ մենք ունենք շատ տարբեր քաղաքական համակարգեր: Ուկրաինան ազատ երկխոսություն է հասարակությունում և պարտադիր կոնսենսուս, իսկ Ռուսաստանը՝ սեփական հասարակության ուլտիմատումային ճնշում»,- գրել է նա Twitter-ում։
Ավելի վաղ Պոդոլյակը հայտնել էր, որ Ուկրաինան և Ռուսաստանը տեսաֆորմատով բանակցություններ են անցկացրել։ Կողմերը պայմանավորվել են ստեղծել աշխատանքային ենթախմբեր։
Նրա պնդմամբ՝ բանակցությունների ընթացքում Ռուսաստանի հռետորաբանությունը փոխվում է։
Տաթև Ֆռանգյան
