14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Ավանեսյանի ընկերուհին փոխնախարա՞ր է նշանակվելու. նախարարի արձագանքը․ ՏԵՍԱՆՅՈՒԹ
Հասարակություն
14.03.2022 | 14:43
«Պետական կառավարման ոլորտում խնամի-ծանոթ-բարեկամ-ընկեր սկզբուքով պաշտոնների նշանակման վերջը տրվելու սկիզբ է դրվել 2018թ., և այդ քաղաքականությունը հետևողական կերպով շարունակվում է»,- այսօր Կառավարության նիստից հետո լրագրողների հետ ճեպազրույցում այս մասին նշեց ՀՀ առողջապահության նախարար Անահիտ Ավանեսյանը:
Անդրադառնալով դիտարկմանը, թե ըստ որոշ տեղեկություններով, նախարարը պատրաստվում է առողջապահության փոխնախարարի պաշտոնում նշանակել իր ընկերուհուն՝ առողջապահության նախարարության գլխավոր քարտուղար Վարդուհի Գրիգորյանին, Ավանեսյանը նշեց. «Վարդուհի Գրիգորյանը առողջապահության նախարարությունում է աշխատում 17 տարի, առաջատար մասնագետից տարիների ընթացքում հասել է դեղերի քաղաքականության վարչության պետի պաշտոնին, այնուհետև նշանակվել է աշխատակազմի ղեկավար՝ գլխավոր քարտուղար՝ բացառապես իր մասնագիտական կարողությունների և երկարատև աշխատանքային փորձի ու մադկային շնորհիվ:
Վարդուհի Գրիգորյանը և նախարարության մյուս աշխատակիցներն իմ գործընկերներն են, ես գնահատում եմ այն լավ մթնոլորտը, որ կա նախարարությունում»,- նշեց Ավանեսյանը՝ ընդգծելով, որ նախարարի տեղակալի պաշտոնը դեռ թափուր է, կան մի քանի թեկնածուներ, դեռևս որոշում չի կայացվել, թե ով կնշանակվի:
Մանրամասները՝ տեսանյութում:
