09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ավստրալիան նոր պատժամիջոցներ է սահմանել ռուս օլիգարխների, գործարարների և նրանց ընտանիքների նկատմամբ
Քաղաքականություն
14.03.2022 | 14:20
Ավստրալիայի ԱԳՆ-ն հայտարարել է Ռուսաստանի դեմ նոր պատժամիջոցների մասին, գրում է «Կոմերսանտ»-ը։
Նշվում է, որ պատժամիջոցները սահմանվել են 33 ռուս օլիգարխի, հայտնի գործարարների և նրանց ընտանիքների մտերիմների նկատմամբ։ Նրանց թվում են միլիարդատեր Ռոման Աբրամովիչը, «Գազպրոմի» ղեկավար Ալեքսեյ Միլլերը, «Ռոստեխի» ղեկավար Սերգել Չեմեզովը, ՎԷԲ․ՌՖ-ի ղեկավար Իգոր Շուվալովը։
Պատժամիջոցները վերաբերում են նաև «Ռոսիա» բանկի տնօրենների խորհրդի նախագահ Դմիտրի Լեբեդևին, «Տրանսնեֆտ»-ի ղեկավար Նիկոլայ Տոկարևին և Ռուսաստանի ուղղակի ներդրումների հիմնադրամի գլխավոր տնօրեն Կիրիլ Դմիտրիևին։
Ավստրալիան կարծում է, որ պատժամիջոցների տակ հայտնված ռուսներն «ահռելի անձնական հարստություն են կուտակել և Ռուսաստանի համար տնտեսական և ռազմավարական նշանակություն ունեն»։ Նրանք սատարում են Կանադայի, ԵՄ-ի, Նոր Զելանդիայի, Մեծ Բրիտանիայի և ԱՄՆ-ի պատժամիջոցները՝ ուղղված ազդեցիկ և առանցքային դերակատարում ունեցող ռուսաստանցիների դեմ։
Ավստրալիայի ԱԳՆ-ն նշում է, որ վերջին օրերին երկիրն ավելի քան 460 պատժամիջոց է սահմանել, որոնք տարածվում են ՌԴ նախագահ Վլադիմիր Պուտինի, Կենտրոնական բանկի, Զինված ուժերի, ռազմական ու քաղաքական գործիչների և այլ ռուսաստանցիների դեմ։
Էմմա Չոբանյան
