05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Առաջարկվել է Սալոնիկում կայանալիք միջազգային ցուցահանդեսներին ապահովել Հայաստանի մասնակցությունը
Քաղաքականություն
12.03.2022 | 14:22
Մարտի 11-ին Հունաստանում ՀՀ արտակարգ և լիազոր դեսպան Տիգրան Մկրտչյանը Սալոնիկ կատարած աշխատանքային այցի շրջանակներում հանդիպում է ունեցել Սալոնիկի առևտրի միջազգային ցուցահանդեսի (TIF – HELEXPO) տնօրենների խորհրդի նախագահ Տասոս Ձիկասի հետ։
Հանդիպմանը ներկա էին նաև կազմակերպության գործադիր տնօրեն Կիրիակոս Պոզրիկիդիսը և Հունահայ առևտրի և արդյունաբերության պալատի նախագահ Ակիս Դագազյանը։
Ցուցահանդեսի ներկայացուցիչները, շեշտելով երկու երկրների միջև առկա երկկողմ հարաբերությունների զարգացման հնարավորությունները, առաջարկել են Սալոնիկում կայանալիք մի շարք միջազգային ցուցահանդեսներին կազմակերպել Հայաստանի Հանրապետության մասնակցությունը։
Դեսպանն իր հերթին ներկայացրել է տնտեսության և առևտրի բնագավառներում առաջիկա ծրագրերն ու նախաձեռնությունները։
Զրուցակիցները պայմանավորվել են 2022 թվականի ընթացքում սերտորեն համագործակցել, որպեսզի ապահովվի սննդի, գինեգործության, զբոսաշրջության և բարձր տեխնոլոգիաների բնագավառներից հայ գործարարների ներկայությունը այս կարևոր միջոցառումներին՝ Եվրոպայի և բալկանյան տարածաշրջանի շուկաներում զարգացման նոր հնարավորություններ և ներուժ ապահովելու նպատակով։
