10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Ռուսական տնտեսությունը կազմաքանդվում է․ Ռուսաստանը ֆիասկո է ապրում․ Արեգ Քոչինյան. ՏԵՍԱՆՅՈՒԹ
Քաղաքականություն
11.03.2022 | 18:28
«Ռուսական կողմը ֆիասկո է ապրել իր նախնական պլանավորման մեջ, բլից կրիգը տապալվեց, բայց 4 ուղղությամբ ռուսական զորքը գրոհում է, և շատ դանդաղ, բայց առաջ է շարժվում»,- այս մասին «Ռուս-ուկրաինական պատերազմի միջազգային ու հարավկովկասյան պրոյեկտումը» թեմայով քննարկման ժամանակ նշեց քաղաքագետ Արեգ Քոչինյանը:
Նրա դիտարկմամբ՝ ռազմական գործողություններին զուգահեռ կա նաև առևտրային, ինֆորմացիոն պատերազմ. «Այստեղ ռուսների գործերը շատ վատ են, ըստ էության՝ խոսքն արդեն Ռուսաստանի տնտեսության կազմաքանդման մասին է: Կան ոլորտներ՝ առողջապահություն, ՏՏ, որտեղ ուղղակի պարապուրդի են մատնված, հրթիռաշինության մեջ ևս պարապուրդի են մատնված, գյուղատնտեսության ոլորտում ևս խնդիրներ կան, սերմացուի 93 տոկոսը ՌԴ-ն ներմուծում է, այսինքն՝ կատաստրոֆիկ հետևանքներ կան Ռուսաստանի տնտեսության համար և սա, թերևս, դեռ այն մաքսիմումը չէ, որը Արևմուտքը նախապատրաստել է պատժամիջոցների ցուցակով»:
Քաղաքագետի դիտարկմամբ՝ Ուկրաինայում պատային իրավիճակ է ստեղծվել:
Մանրամասները՝ տեսանյութում:
