18.08.2026 | 13:59
Դոնալդ Թրամփի վարկանիշը հասել է 33%-ի՝ նվազագույնը պաշտոնավարման երկու ժամկետի ընթացքում
Ռուս-ուկրաինական պատերազմի հանգուցալուծման նշաններ չկան․ Ստյոպա Սաֆարյան․ ՏԵՍԱՆՅՈՒԹ
Քաղաքականություն
11.03.2022 | 17:38
«Երկու կողմում էլ նկատելի է շփոթ»,- այս մասին ռուս-ուկրաինական պատերազմի միջազգային ու հարավկովկասյան պրոյեկտումը» թեմայով քննարկման ժամանակ նշեց քաղաքագետ Ստյոպա Սաֆարյանը:
«Հարձակվող կողմը՝ Ռուսաստանը չի հասել իր նպատակներին, բլից կրիգը տապալված է, ինչը առաջ է բերել մի շարք խնդիրներ, որոնց բախվել է ռուսական կողմը՝ Ուկրաինայում հանդիպելով մեծ դիմադրության:
Մյուս կողմից՝ նաև Ուկրաինայում կա շփոթ. Ուկրաինան պաշտպանական քաղաքականության մեջ է, և որքան էլ Արևմուտքի աջակցությունն աննախադեպ մեծ է, կա անբավարարվածության զգացում, չիրականացած ակնկալիքների շուրջ դժգոհություններ են հնչում: Ուկրաինան պաշտոնապես դիմեց ԵՄ-ին և ՆԱՏՕ-ին՝ արագացված ընթացակարգով այդ կառույց ընդունելու արձագանքը և հապաղումը այդքան էլ դուր չի գալիս ուկրաինական կողմին, բայց սա ամենևին չի թուլացնում ուկրաինական դիմադրության նշանակությունը»,- նշեց Սաֆարյանը:
Քաղաքագետի դիտարկմամբ՝ ռուս-ուկրաինական պատերազմի հանգուցալուծման նշաններ չկան: «Բանակցությունները որևէ կերպ չեն մեղմում իրավիճակը, որովհետև Ռուսաստանի պահանջները չեն փոխվում՝ ճանաչել Դոնեցկի և Լուգանսկի ինքնահռչակ հանրապետությունները, Ղրիմը ճանաչել ռուսական, նաև հայտարարել Ուկրաինայի չեզոքությունը: Սա, ըստ էության, կապիտուլյացիայի պայմաններ են, որոնք ընդունելի չեն Ուկրաինայի համար»,- նշեց քաղաքագետը:
Մանրամասները՝ տեսանյութում:
