19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Ռուս-ուկրաինական պատերազմը սաստկանում է, վտանգներ՝ Ալիևի ռազմական սադրանքներից․ ՏԵՍԱՆՅՈՒԹ
Քաղաքականություն
11.03.2022 | 19:08
Ուկրաինայի դեմ Ռուսաստանի սկսած պատերազմի 16-րդ օրն է, և սաստկանում են ռազմական գործողությունները։ Պաշտոնական Մոսկվան հայտարարում է, որ պատրաստվում է ռազմական գործողություններին մասնակցելու նպատակով Ուկրաինայի տարածք տեղափոխել 16 հազար կամավորի, մեծամասամբ՝ Մերձավոր Արևելքից։ Այսօր Մոսկվայում է ՌԴ-ի դաշնակից, Բելառուսի նախագահ Ալեքսանդր Լուկաշենկոն։
Ուկրաինայի նախագահ Վլադիմիր Զելենսկին հայտարարում է՝ ուկրաինացիները կազատագրեն իրենց տարածքները, ի վերջո՝ կհաղթեն, քանի որ հասել են ռազմավարական շրջադարձի։ Ուկրաինական բանակը հայտարարում է հակահարձակման մասին։
Եվ մինչ Զելենսկիի թիմը կքննարկի երեկ Անթալիայում Լավրովի փոխանցած՝ պատերազմը կանգնեցնելու պայմանները, Ադրբեջանն է ռազմական սադրանքներ հրահրում Արցախի խաղաղ բնակչության դեմ։ Այսօր ականներ են ընկել Ասկերանի Խնապատ և Փառուխ գյուղերի տարածքում։
Մեծ պատերազմ Եվրոպայում և ռազմական սադրանքներ՝ Արցախի և ՀՀ-ի դեմ Ադրբեջանի կողմից․ ի՞նչ վտանգներ են առկա և ինչպե՞ս դրանց դիմակայել։ Factor TV-ի կազմակերպած քննարկմանը մասնակցում են քաղաքագետ Տիգրան Գրիգորյանը, ռազմաքաղաքական հարցերով փորձագետ Արեգ Քոչինյանը, «Ազատ քաղաքացի» ՀԿ ղեկավար Հովսեփ Խուրշուդյանը, քաղաքական վերլուծաբան Արմեն Հովհաննիսյանը։
