Ալիևը կրակում է ռուս-ադրբեջանական պայմանագրի վրա․ վտանգավոր սադրանքը անպատիժ չի մնա՝ Մոսկվայից նշաններ կան․ Անուշ Բեղլոյան․ ՏԵՍԱՆՅՈՒԹ

Factor TV–ի հարցազրույցը ԱԺ «Քաղաքացիական պայմանագիր» խմբակցության պատգամավոր Անուշ Բեղլոյանի հետ

–Անթալիայում սկսվեց դիվանագիտական ֆորումը, որը կտևի մարտի 11-13-ը, ՀՀ արտգործնախարար Արարատ Միրզոյանը մեկնել է այնտեղ: Հայաստանն ի՞նչ է ակնկալում, կարո՞ղ են կոնկրետ լուծումներ լինել. Դեռևս նոր զարգացող Հայաստան–Թուրքիա հարաբերությունների կարգավորման պրոցես է սկսվել, սահմանների բացման, դիվանագիտական հարաբերությունների ակնկալիք ունի Հայաստանը, ի՞նչ ենք ուզում այնտեղից:

-Իհարկե, հատկանշական է այդ ֆորումին Լավրովի և պարոն Միրզոյանի հանդիպումը, որը կարելի է համարել հերթական հանդիպում, սակայն այս բարդ միջազգային իրավիճակում, Ադրբեջանի կողմից սանձազերծված սադրանքների ներքո առաջին հերթին (նաև հաղորդագրության մեջ է այդ մասին նշված) նվիրված է այդ խնդիրների լուծմանը և ադրբեջանական սադրանքներին վերաբերող ռուս-հայկական խորհրդակցություններին: Նաև հայկական և ռուսական կողմերը քննարկեցին հայ-թուրքական հարաբերությունների գործընթացը: Եվ Ռուսաստանը, որը մեծ դեր ունի մեր տարածաշրջանում, հետաքրքրված է այդ պրոցեսով և սրտացավ է կայուն և հաստատուն զարգացման առումով:

–Ալիևը նույնպես Անթալիայում է և այնտեղ հանդիպելու է Էրդողանին: Դուք ունե՞ք տեղեկություն՝ ՀՀ արտգործնախարարը կունենա՞ շփումներ թուրք պաշտոնյաների հետ՝ Չավուշօղլուի, Էրդողանի, միգուցե՝ պատգամավորների հետ:

-Ընդհանուր ֆորումի շրջանակում անխուսափելի են շփումները՝ ոչ անձնական, ոչ անհատական, հատուկ, այլ ընդհանուր շփումներ: Ինչ վերաբերում է հստակ հանդիպումներին, կարծում եմ՝ հայ-թուրքական բանակցությունների այս փուլում ճիշտ է, և դա տեսնում ենք պաշտոնական հաղորդագրություններից, որ այդ պրոցեսը, այնուամենայնիվ, թողնված է միայն հատուկ բանագնացների մակարդակին, այսինքն՝ չեն ենթադրվում այլ շփումներ, մանավանդ, որ այս պահին չունենք դիվանագիտական հարաբերություններ: Արտաքին գործերի նախարարների հանդիպում այս պահին այնքան էլ հասկանալի չէր լինի ո՛չ հայկական, ո՛չ թուրքական կողմերի համար:

–Որոշիչ գործընթացը բանագնացների տիրույթում է գտնվում, այո՞:

-Այո՛:

Հարցազրույցն ամբողջությամբ՝ տեսանյութում:

Ռոբերտ Անանյան