19.05.2026 | 11:11
Տեղ ենք հասել, ժողովուրդ․ Փաշինյանը դիմեց արցախցիներին․ ՏԵՍԱՆՅՈՒԹ
Ցուցադրություն՝ նվիրված Չարենցի ծննդյան 125-ամյակին
Մշակույթ
11.03.2022 | 15:05
ՀՀ կրթության, գիտության, մշակույթի և սպորտի նախարարության աջակցությամբ Հայաստանի նկարիչների միությունը Մ. Սարյանի, Եղիշե Չարենցի տուն-թանգարանների և Եղիշե Չարենցի անվան գրականության և արվեստի թանգարանի հետ մարտի 13-ին՝ ժամը 15:00-ին, Նկարիչների միությունում կբացի մեծանուն գրող Եղիշե Չարենցի ծննդյան 125-ամյակին նվիրված ցուցահանդես․ տեղեկացնում են ԿԳՄՍՆ-ից։
Ցուցահանդեսին կներկայացվեն ցուցանմուշներ Մարտիրոս Սարյանի տուն-թանգարանի, Եղիշե Չարենցի տուն-թանգարանի և Եղիշե Չարենցի անվան գրականության և արվեստի թանգարանից։
Կներկայացվեն Մարտիրոս Սարյանի «Եղիշե Չարենցի դիմանկարը» կտավը և Եղիշե Չարենցի «Երկիր Նաիրի» վեպի թեմայով Սարյանի գրաֆիկական աշխատանքները: Կցուցադրվի Եղիշե Չարենցի մասին պատմող ֆիլմ:
Նշենք, որ ցուցահանդեսը կգործի մինչև մարտի 18-ը:
