19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ադրբեջանն ուզում է Արցախը հայաթափել. դրսի գործընկերներին տեղեկացրել ենք սադրանքների մասին.Ջուլհակյան. ՏԵՍԱՆՅՈՒԹ
Քաղաքականություն
10.03.2022 | 20:12
«Մեր հակառակորդի հետ դեռևս լեզու գտնել չի ստացվում»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Արուսյակ Ջուլհակյանը՝ անդրադառնալով վերջին շրջանում Ադրբեջանի կողմից սադրանքների ակտիվացմանը, որի հետևանքով ունենք զոհ և վիրավորներ:
«Մեր Զինված ուժերը պետք է լինեն բավարար պատրաստված՝ զսպման մեխանիզմները գործի դնելու համար: Այնքան ուժեղ պետք է լինեն, որ նույնիսկ իրենց գոյության փաստն ինքնին զսպող մեխանիզմ լինի մեր թշնամիների համար: Մեր զինված ուժերը լավագույն վիճակում չեն»,- նշեց պատգամավորը:
Ջուլհակյանի դիտարկմամբ՝ միջազգային գործընկերները մեծ ազդեցություն կարող են ունենալ Ադրբեջանին զսպելու հարցում: «Կարծում եմ՝ նրանք լուրջ անելիք ունեն և պետք է բավականին ակտիվ լինեն այս առումով, որովհետև միջազգային ճնշումները կարող են ստիպել մեր հակառակորդներին՝ մտածել նման սադրանքների դիմելուց առաջ»,- նշեց պատգամավորը՝ հավելելով, որ Ադրբեջանի նպատակը Արցախը հայաթափելն է:
Մանրամասները՝ տեսանյութում:
