17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ուկրաինայի Սումի, Իզյում քաղաքներում և Կիևի մարզում տարհանումը շարունակվում է
Քաղաքականություն
10.03.2022 | 20:34
Ուկրաինայում շարունակվում է բնակչության տարհանումը Սումի, Իզյում քաղաքներից և Կիևի մարզից։ Ուկրաինայի նախագահի աշխատակազմի ղեկավարի տեղակալ Կիրիլ Տիմոշենկոն պատմել է, թե ինչպես է ընթանում գործընթացը, գրում է Korrespondent-ը։
Այսպիսով, Խարկովի մարզի Իզյումից այսօր դուրս է բերվել մոտ 2 հազար բնակիչ։ Այժմ 44 ավտոբուս է գնում դեպի Դնեպր քաղաք։ Ամբողջ անհրաժեշտ մարդասիրական օգնությունը հասցվել է դեռևս քաղաքում մնացածներին։
Կիևի մերձակայքում գտնվող Բուչայի բնակիչներին տարհանելու համար ժամանել է 28 ավտոբուս՝ Արտակարգ իրավիճակների պետական ծառայության ուղեկցությամբ։
Սումիի բնակիչները նույնպես սպասում են տարհանման։ Պոլտավայի շրջանի Լոխվիցայից քաղաք է մեկնել 35 ավտոբուս։
Մարդասիրական օգնության հետ մեկտեղ՝ Մարիուպոլ են մեկնել տարհանման ավտոբուսներ Զապորոժիեից։ Միաժամանակ հայտնի է, որ Մարիուպոլն ամբողջությամբ շրջափակված է, և ռուսական զինուժը ոչ ոքի չի թողնում քաղաքից հեռանալ։ Ավելին, ռուսական բանակը շարունակում է ռմբակոծել քաղաքը։
Միաժամանակ, UNIAN-ի փոխանցմամբ, Ուկրաինայի Ազգային ոստիկանությունը հայտնել է, որ ռուսական զինուժը ավիահարված է հասցրել Իզյում քաղաքից մարդկանց տարհանման ժամանակ։ Ոստիկանությունում նշել են, որ, ընդհանուր առմամբ, հաջողվել է 40 ավտոբուսով բնակիչների տարհանել։
Տաթև Ֆռանգյան
