21.01.2026 | 23:30
Ինչ իրավիճակ է Հայաստանի ճանապարհներին և Լարսում
Սերժ Սարգսյանը հրաժարվեց շարունակել բանակցությունները և հեռացավ. ՏԵՍԱՆՅՈՒԹ
Քաղաքականություն
22.04.2018 | 10:23
Այսօր առավոտյան տեղի ունեցած Սերժ Սարգսյան և Նիկոլ Փաշինյան հանդիպումը րոպեներ տևեց։ Սերժ Սարգսյանը ներս մտնելով նշեց, որ չի պատկերացնում, թե այդքան լրագրողների ներկայությամբ ինչքան կարող են բանակցել։
Նկոլ Փաշինյանը կրկնեց երեկվա հայտարարությունը, որ Սերժ Սարգսյանն իշխանությունն անցնցում պետք է փոխանցի ժողովրդին և որ այլ հարցի շուրջ չեն երկխոսելու․ «Ես եկել եմ այստեղ քննարկելու Ձեր հրաժարականի պայմանները և իշխանության խաղաղ ու անցնցում փոխանցման պայմանները, հետևաբար կոչ եմ անում երկխոսություն տերմինը չօգտագործել»։
Սերժ Սարգսյանն արձագանքեց, որ դա ոչ թե բանակցություն է, այլ ուլտիմատում և շանտաժ․ «Դա շանտաժ է պետությանը, օրինական իշխանությանը, Դուք չեք պատկերացնում պատասխանատվության աստիճանը, Դուք դասեր չեք քաղել Մարտի 1-ից և եթե այդ տոնով պետք է խոսեք, ապա ինձ մնում է Ձեզ մեկ անգամ ևս խորհուրդ տալ, որպեսզի գաք օրինական դաշտ և ընդհանրապես տրամաբանության սահմաններում, հակառակ դեպքում ամբողջ պատասխանատվությունը Ձեզ վրա է, ընտրե՛ք»։
Մանրամասները՝ տեսանյութում։
