19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Գյումրիում ևս մեկ էլիտար թաղամաս կկառուցվի
Հասարակություն
09.03.2022 | 22:07
Գյումրու կենտրոնական հատվածներից մեկում՝ Տեքստիլագործների թաղամասում՝ Շիրակի մարզպետարանի գրեթե դեմ դիմաց, ևս մեկ բնակելի թաղամաս կառուցվի։
Բնակարաշինական ծրագրի նախաձեռնողը գյումրեցի շինարար Հովհաննես Տոնոյանն է։ Գյումրու քաղաքապետարանն արդեն իսկ տվել է շինթույլտվություն։
Այս մասին մեզ հետ զրույցում տեղեկացրեց Գյումրու գլխավորճարտարապետ Հենրիկ Գասպարյանը։
Շենքերն, ըստ նախագծի, կլինեն 5-7 հարկանի՝ նկուղներով, ավտոկայանատեղիներով, այգիներով, խաղահրապարակներով։ Նոր թաղամասի համար կընտրվեն սև և սպիտակ գույները։
Հիշեցնենք, որ այս նույն տարածքում ևս մեկ էլիտար, կանաչապատ թաղամաս է կառուցվում՝ մոտ 320-350 բնակարաններով, շինարարությունը մեկնարկել է անցած տարվա մայիս ամսին․ դեռ ընթացքի մեջէ։ Շինարարը «Պրոմ Գրուպ» ընկերությունն է(նախագիծը տես լուսանկարներում)։
Ինչպես Factor.am-ի հետ զրույցում պարզաբանել էր «Պրոմ Գրուպ» ընկերության ղեկավար Հայկ Հունանյանը, հումքը փորձում են ձեռք բերել Շիրակի մարզից, իսկ որպես աշխատուժ ընդգրկել են գյումրեցիներին։
Արմիկ Մովսիսյան
