08.06.2026 | 14:56
Մայա Սանդուն շնորհավորել է Նիկոլ Փաշինյանին ընտրություններում հաղթանակի առթիվ՝ «չնայած զանգվածային արտաքին միջամտությանը»
Մեծ Բրիտանիայի ՊՆ-ն հայտարարել է, որ ավելացնում են Ուկրաինային հակատանկային զինատեսակների մատակարարումը
Քաղաքականություն
09.03.2022 | 21:23
Մեծ Բրիտանիան ավելացնում է սպառազինության մատակարարումը Ուկրաինային՝ «ի պատասխան Ռուսաստանի կողմից ագրեսիայի հետագա գործողությունների»։ Այս մասին հայտարարել է Մեծ Բրիտանիայի պաշտպանության նախարար Բեն Ուոլեսը, գրում է CNN-ը։
Բրիտանիան այժմ 3615 հակատանկային զենք է մատակարարել Ուկրաինային, ինչպես նաև շուտով կմատակարարի Javelin հակատանկային հրթիռների փոքր խմբաքանակ, ասել է բրիտանացի նախարարը խորհրդարանի պատգամավորներին:
Նա նշել է, որ «նախնական մատակարարումը պետք է լիներ 2000 հատ New Light հակատանկային զենք, փոքր զենք և զինամթերք», բայց այն ավելացել է, և Մեծ Բրիտանիան կշարունակի ավելի շատ մատակարարել:
«Մենք շուտով կսկսենք հակատանկային Javelin հրթիռների փոքր խմբաքանակի մատակարարումը»,- ասել է Ուոլեսը՝ հավելելով, որ բոլոր զինատեսակները համարվում են «պաշտպանական համակարգեր»։
Մեծ Բրիտանիան նաև դիտարկում է Ուկրաինային Starstreak բարձր արագության հակաօդային հրթիռներ մատակարարելու հնարավորությունը՝ «ի պատասխան Կիևի խնդրանքի»։
Էմմա Չոբանյան
