26.11.2024 | 20:29
Գերմանիան իրավունք չունի Taurus-ներ մատակարարել. Շոլց
«Այս ամենը մեկ մարդու չարագործ ընտրության արդյունք է»․ Նուլանդը՝ Ուկրաինայի պատերազմի մասին
Քաղաքականություն
09.03.2022 | 22:57
ԱՄՆ պետքարտուղարի տեղակալ Վիկտորիա Նուլանդը ելույթ է ունեցել Սենատի արտաքին գործերի կոմիտեի լսումներին՝ խոսելով Ուկրաինայում պատերազմի մասին, գրում է VOA-ն։
«Սա պատերազմ է, որը կառուցված է ստերի վրա, որոնք նա ասել է իր ժողովրդին, ամբողջ աշխարհին և իր զինված ուժերին։ Եվ հիմա այն նաև կառուցված է ինչպես բազմաթիվ ուկրաինացիների, այնպես էլ ռուսների՝ ծնողների, ամուսինների, գործընկերների, երեխաների դառնության ու տառապանքի վրա, ովքեր այլևս չեն տեսնի իրենց սիրելիներին: Եվ այս ամենը մեկ մարդու չարագործ ընտրության արդյունք է»,- ասել է Նուլանդը սենտորներին։
Նա դատապարտել է հակապատերազմական շարժման դեմ Ռուսաստանում ծավալվող բռնաճնշումները, ինչպես նաև ԶԼՄ-ների գործունեության սահմանափակումները։
«Ռուսաստանում առաջընթացի երեսուն տարին ավարտվեց 10 օրում»,- ափսոսանք է հայտնել Նուլանդը:
Այնուամենայնիվ, պետքարտուղարի տեղակալը կոչ է արել միջազգային հանրությանը հավաքվել Ուկրաինայի շուրջ այս դժվար պահին:
Տաթև Ֆռանգյան
