19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Էրդողանը հույս է հայտնել, որ Թուրքիայիում կայանալիք Կուլեբա-Լավրով հանդիպումը դռներ կբացի երկարատև հրադադարի համար
Քաղաքականություն
09.03.2022 | 15:21
Թուրքիայի նախագահ Ռեջեփ Թայիփ Էրդողանը ասել է, որ եթե Ուկրաինայում արյունահեղությունը շարունակվի, ապա երկիրը 5-10 մլն մարդ կլքի։ «Անադոլու»-ի փոխանցմամբ՝ այս մասին նա հայտարարել է իշխող «Արդարություն և զարգացում» կուսակցության խորհրդարանական խմբակցության նիստում։
Էրդողանը մարտի 10-ին Անթալիայում նախանշված ՌԴ-ի, Ուկրաինայի և Թուրքիայի ԱԳ նախարարների եռակողմ հանդիպումն անվանել է «կրիտիկական նշանակության»։
«Հարցն Ուկրաինայի ու ՌԴ-ի միջև պետք է լուծվի դիվանագիտական ճանապարհով»,- ասել է Էրդողանը՝ հույս հայտնելով, որ Դմիրտրի Կուլեբայի և Սերգեյ Լավրովի վաղվա հանդիպումը դռներ կբացի երկարատև հրադադարի համար։
Նա, միաժամանակ, կրկին քննադատել է միջազգային կառույցներին, որոնք, ըստ նրա, ունակ չեն դիմակայել ժամանակակից ճգնաժամերին ու պատերազմներին։
«Միջազգային կառույցների, այդ թվում՝ ՄԱԿ-ի Անվտանգության խորհրդի արձագանքը սահմանափակվում է հայտարարություններով։ Սա ամոթալի է։ Բոլոր նրանք, որոնք աղմուկ են բարձրացնում, երբ խոսքը գնում է իրենց շահերի մասին, անտեսում են ողբերգական իրադարձությունները, որոնք տեղի են ունենում տարածաշրջանում՝ Սիրիայում, որտեղ գտնվում է Թուրքիան արդեն 11 տարի»,- ասել է Էրդողանը՝ չնշելով, սակայն, թե ինչպես է Թուրքիան պարբերաբար ռմբակոծում Սիրայում քրդաբնակ ու եզդիաբնակ բնակավայրերը։
Թուրքիայի նախագահն ասել է, որ երկակի ստանդարտների քաղաքականության հերթական դրսևորումը Ուկրաինայում իրադարձություններն են։
«Պետությունների ամբողջականությանն ու ինքնիշխանությանն աջակցելու՝ Անկարայի կուրսը մնում է անփոփոխ։ Թուրքիան ջանքեր է գործադրում՝ Ուկրաինայում մարտերը դադարեցնելու համար։ Թուրքիան Ուկրաինայում հրադադարի երկարատև ռեժիմի հույս ունի։ Անկարան հավասարակշռված քաղաքականություն է վարում՝ բաց թողնելով երկխոսության ուղիները Մոսկվայի և Կիևի համար»,- ասել է Էրդողանը։
Էմմա Չոբանյան
