16.01.2025 | 16:00
Էջեր են կոտրում, ի՞նչ է անում ոստիկանությունը. Արփինե Սարգսյանի պարզաբանումը․ ՏԵՍԱՆՅՈՒԹ
Թուրքիայի դատարանն արդարացրել է Ստամբուլի հայկական եկեղեցու պարսպի վրա պարող երիտասարդներին
Քաղաքականություն
07.03.2022 | 20:13
Թուրքիայի դատարանն արդարացրել է երեք տղամարդկանց, որոնք պարել էին Ստամբուլի Քադըքյոյ թաղամասի Սուրբ Թագավոր հայկական եկեղեցու մուտքի պարսպի վրա, գրում են թուրքական լրատվամիջոցները։
«Նրանցից մեկը չի բարձրացել եկեղեցու վրա։ Նրանք, որոնք բարձրացել են, չեն գործել հանցավոր դիտավորությամբ»,- ասված է դատարանի որոշման մեջ։
Ստամբուլի դատախազությունը պահանջել էր ամբաստանյալներին մինչև մեկ տարվա ազատազրկման դատապարտել՝ «հասարակական անդորրը խախտելու» հիմնավորմամբ։
Երեք մեղադրյալները կալանավորվել էին 2021 թվականի հուլիսի 12-ին այն բանից հետո, մի խումբ երիտասարդներ փողոցում պարեր էին կազմակերպել այն շրջանում, որտեղ գտնվում է հայկական եկեղեցին։ Նրանցից մի քանիսը բարձրացել էին եկեղեցու պարսպին ու սկսել պարել։ Նրանց մասնակցությամբ տեսանյութը լայն տարածում էր գտել համացանցում ու քննադատությունների արժանացել։
Էմմա Չոբանյան
