15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Ֆրանսիան հերքում է․ Մակրոնը չի խնդրել դեպի Ռուսաստա՛ն հումանիտար միջանցքներ տրամադրել
Քաղաքականություն
07.03.2022 | 15:02
Ֆրանսիայի նախագահ Էմանուել Մակրոնը հերքել է տարածված տեղեկությունը, որ խնդրել է Ուկրաինայից դեպի ՌԴ կամ Բելառուս տանող մարդասիրական միջանցքներ բացել։ Այս մասին հայտնում է ֆրանսիական BFMTV-ն, փոխանցում է BBC-ն:
«Հանրապետության նախագահը համառորեն խնդրել է՝ թույլ տալ խաղաղ բնակչությանը հեռանալ և թույլ տալ օգնություն տեղափոխել։ Սա ևս մեկ միջոց է Պուտինի համար՝ առաջ մղելու իր պատմությունը և ասելու, որ ուկրաինացիներն են ագրեսորները, և որ նրանք ապաստան են առաջարկում բոլորին»,- BFMTV-ին ասել են Ելիսեյան պալատից։
Հիշեցնենք՝ Ուկրաինայի փոխվարչապետ Իրինա Վերեշչուկն ավելի վաղ հայտարարել էր, որ Կիևը մերժել է Մոսկվայի առաջարկը՝ հումանիտար միջանցքներ կազմակերպել դեպի Ռուսաստանի տարածք։
«Երեկ՝ ժամը 00:30-ին, մենք նամակ ստացանք Ռուսաստանի Դաշնությունից, որում նրանք առաջարկում էին, հաշվի առնելով Ֆրանսիայի Հանրապետության նախագահ Էմանուել Մակրոնի անձնական խնդրանքը, մարտի 7-ի առավոտյան ժամը 10-ից լռության ռեժիմ հայտարարել և բացել հումանիտար միջանցքներ (Ռուսաստանի Դաշնության ուղղությամբ)։ Սա հումանիտար միջանցքներ բացելու անընդունելի տարբերակ է։ Մերոնք Իվանկովից, Դայմերից, Վիշգորոդից, Կիևի մերձակայքից Բելառուս չեն գնա, որպեսզի հետո ինքնաթիռով թռչեն Ռուսաստանի Դաշնություն։ Հուսով եմ, որ Ֆրանսիայի նախագահը հասկանում է, որ իր անունը և օգնելու անկեղծ փորձերն օգտագործվում են Ռուսաստանի Դաշնության կողմից»,- ասել է Վերեշչուկը:
Էմմա Չոբանյան
