10.09.2026 | 18:23
COP17-ի համար նոր ենթակայան է կառուցվում, գործողը՝ վերազինվում
Ուկրաինական քաղաքները մնացել են առանց սննդի, ջրի և լույսի․ բանակցությունների 3-րդ փուլն է սպասվում․ ՏԵՍԱՆՅՈՒԹ
Քաղաքականություն
07.03.2022 | 15:10
Պատերազմի 12-րդ օրը իրավիճակը շարունակում է գերլարված մնալ․ ուկրաինական աղբյուրների հաղորդմամբ՝ մայրաքաղաք Կիևը և հարակից քաղաքները ռուսական զորքերի կողմից գնդակոծվում և հրթիռակոծվում են։ Մարդիկ շարունակում են պատսպարվել ապաստարաններում և մետրոյի կայարաններում։
Ուկրաինայի արտակարգ իրավիճակների հարցերով պետական ծառայության հաղորդմամբ՝ Խարկովում զանգվածային հրթիռակոծման հետևանքով ամբողջությամբ կամ մասամբ ավերվել են մի քանի բնակելի և բժշկական ու կրթական հաստատությունների շենքեր։ Փլատակների տակ հայտնաբերվել է 8 զոհվածի մարմին։ Տուժածների և զոհերի ամբողջական թիվը ճշտվում է։
Ուկրաինացի զինվորականներն էլ հայտնել են, որ Կիևի շրջանի Իրպեն քաղաքն արդեն երեք օր է՝ առանց ջրի, սննդի և էլեկտրաէներգիայի է մնացել։ Նման իրավիճակ է նաև Բուչա քաղաքում։ Ըստ տեղական իշխանությունների՝ էլեկտրաէներգիայի բացակայության պատճառով գրեթե կապ չկա բնակիչների հետ։
Ռազմական գործողություններին զուգահեռ՝ այսօր նախատեսվում է ռուս-ուկրաինական բանակցությունների երրորդ փուլը։ Նախորդ հանդիպումների ժամանակ կողմերը քննարկել էին հումանիտար միջանցքների տրամադրման և հնարավոր ժամանակավոր զինադադարի հարցերը։
Մանրամասները՝ տեսանյութում։
Ռոզա Վարդանյան
